Bokelskere.no

Rikkas pappa skal flytte til Furutoppen der Rikka og mamma og Peter og tvillingene bor! Og Jimmy skal starte band! Det skjer mye rundt Rikka, alt er ikke like morsomt hele tiden synes hun, men det løser seg til slutt - eller?

Kjempefin serie for småskolen om det å ha to hjem.

I motsetnad til dei to ungdomsbøkene eg las i sist veke, som inneheldt mange tema i ein roman, er Maiken Nylunds nye bok om Rikka, Nå eller aldri, Rikka, som er skriven for ein noko yngre lesar, full av kvardag. Det opplever eg som både befriande og truverdig. Rikka har framleis skilte foreldre, og sjølv om begge foreldra er trygge vaksne, er det ikkje bare bare å vere barn som skal sjonglere mellom to heimar. Barneperspektivet på desse vanskane er synleg og svært godt ivareteke i romanen, og eg blir rørt av å tenkje på kor godt det vil vere for barnelesaren som kanskje står i ein liknande situasjon å lese ei bok som så tydeleg set ord på dei heilt sikkert gjenkjennelege tankane og kjenslene ein kan ha når dei vaksne ikkje heilt evnar å setje seg inn i korleis barnet har det.

Elles er det gryande forelsking som er viktigast for Rikka denne gongen, med dei forviklingane det fører med seg.

Eg koste meg då eg las denne, akkurat som eg gjorde med førsteboka Rikka på ordentlig og forever, og håper på meir av både Rikka sjølv og av nyintroduserte tante Anne, som ser og forstår, stiller dei rette spørsmåla og våger å seie frå.