Bokelskere.no

Cecare, hovudpersonen i Forsøk på å være lykkelig, minner på mange måtar om Ove frå boka En mann ved navn Ove. Ikkje fordi han på nokon måte er deprimert, men fordi han er ein eldre mann, enkemann, og han har sterke meiningar som han gjerne deler med andre, anten det er positivt eller (som det som regel er) negativt.

Anger er ei kjensle han tidlegare i livet ikkje har brukt tid på, men som no, i takt med at han byrjar å kjenne at han kanskje kan gjere ein forskjell for andre, kjem snikande.

Cecare tenkjer mykje, og kjem stadig med betraktningar om livet, både i form at humoristiske skråblikk og i form av livsvisdom.

Eg vil anbefale boka om du treng noko å humre av, og det kan jo trengast når hausten kjem.