Bokelskere.no

Eit kritisk blikk på byar og tettstader.

Boktittelen er noko misvisande avdi Spaans tar for seg langt meir enn dei mange kjøpesentra som er kome til overalt i Noreg. Han skriv om kva som skal til for å teke vare på - og om muleg skipe - levande, trivelege byrom med handel som òg er sereigne nok til å skilja seg ut. Byane som får toppkarakter er sørgjeleg få.

Problemet med boka er at ho er ei samling avisartiklar henta frå vekeavisa Dag og Tid. Boka blir dimed snarare eit portrettgalleri enn ei samla framstilling om problem knytta til lokalisering av handel og anna kommersiell verksemd. Eit anna problem er at bok ikkje tek fatt i ein tydeleg tendens til at mange stader blir samordna kjøpesenter supplert med eller erstatta av frittliggjande boksar i god avstand frå kvarandre.