Bokelskere.no

Ei velskrive bok, med mykje bra informasjon, verktøy ein kan bruke sjølv og inspirerande historier. Eg likar spesielt at forfattaren har lagt inn eigne oppgåver ein skal gjere medan ein les boka. Det gjer at eg verkeleg forstod kva ho skreiv om og fekk øve meg. Det gjer at ein faktisk også hugsar boka når ein er ferdig med ho.

Eg har hatt veldig mykje nytte av denne boka. Det var mykje eg kunne kjenne meg igjen i, og sjølv om eg er midt i "reisa" mi, hadde eg stor nytte av dei mentale treningsoppgåvene. Eg kan ikkje seie så mykje om det fysiske treningsprogrammet sidan eg har min eigen PT, men det mentale programmet var veldig bra. Eg føler at det, saman med det eg har lært av PT-en min, har vore med å rusta meg til å skulle trene på eiga hand igjen. Anbefaler denne dersom du er interessert i enten mental trening eller å starte å trene!