Bokelskere.no

Ei spennande og humoristisk bok om eit tema som kunne vore ganske traurig framstilt. Hovudpersonen Risten/ seinare Kirsten sin samiske barndom og identitet i Finnmark vert "klipt av" for eit nytt dansk tilvere med ny mor i Danmark. Det meste er sett frå Risten sin synsvinkel og utan moralisering av det som skjer. Teikning er viktig for hovudpersonen og kanskje noko som redder henne. Her er sjølvbiografiske trekk frå forfattaren sitt liv. Eg fann eit fint intervju med forfattaren her! Ho vart også intervjua på Bokprogrammet i NRK våren 2014. Hennar teikneseriar er spesielle - ho tillet seg å vera ironisk på vegne av dagens samiske kultur. Det er utgitt ialt 3 bøker med dei.

Ei fin bok med nokre overraskingar undervegs og fine skildringar av ulike former for kjarleik og skilnaden på å kjenne nokon og berre tru ein kjenner dei. Ekstra pluss for korte kapitler, dette er ei perfekt bok for transportetappar på buss, tog eller fly!