Bokelskere.no

Sigrun Slapgard beskriver en nydelig kjærlighetshistorie, men Julie lurer på hva som egentlig skjedde med tante Synnøve, og hvorfor dette ikke skulle snakkes om. Krig forandrer alt. Julie reiser til Østerrike for å finne stoff til en film hun skal lage. Der finner hun mer enn hun våget å håpe på.

Kjærleik og død

"Ein Platz an der sonne kan også vere eit helvete" (sitat frå s 22)
Paradishagen er historia om norske Julie Dalgård som reiser til Austerrike for å lage film om familievennen Kurt Leonard. Han oppheldt seg i Kirkenes under krigen, og seinare levde han stille og tilbaketrekt i eit kloster i Melk. Der fungerte han som bibliotekar og brukte mykje av tida si til å skrive av gamle skrifter.
Julie har besøkt han i klosteret tidlegare, men no - etter at han er død - får ho tilgang til stoff som gjer at hennar filmplanar må endrast mykje.
Ho får etterkvart kunnskapar om det som hende dei åra då Kurt motvillig oppheldt seg i Norge, ho får rystande kunnskapar om kva som skjedde i Melk i 1944 og seinare, og ho får kunnskapar om kva som skjedde med familievennen etter krigen.

Deler av boka verkar på meg noko vinglande , medan dei delane der Kurt fortel om seg og sitt forhold til Norge og sine norske vener er gode - både språkleg og innhaldsmessig. Spesielt godt er kanskje siste delen med han, der han fortel om si leiting etter kjende og kjære i eit sønderbomba land.
Ein del sanningar er så vonde, at ein kanskje kan skjøne at dei må gøymast og gløymast for å kunne halde fram med eit liv?
Terningkast: 4