Bokelskere.no

Biografien om radiodjen John Peel, som i mange tiår spelde alternativ musikk som lyttarane ikkje fekk høyre andre plassar. Reggae og punk er blant sjangrane han var med på å spre. Eit interessant moment med biografien er at Peel døyr etter å berre ha fullført omlag 200 sider, og kona Sheila tek over.

Som stor musikkelskar sjølv, synest eg at det blir fokusert for lite på musikken og opplevingane rundt den. Eg vil ha meir om møta med Beefheart og listene med favorittlåtar, og mindre om diabetes og kjæledyr. For all del, boka er absolutt leseverdig, men om ein vil vere nærare legenda må ein gå til dei plassane han følte seg mest heime: radioprogramma hans. Eg anbefalar Peel sin "Punk Special" frå 10. desember 1976, med innslag frå The Damned, Sex Pistols, Pere Ubu og Iggy & The Stooges.