Bokelskere.no

Sterkt....

Fysisk utmattande lesing....Boka har stått uopna i hyllene lenge, og det har det vore ein grunn til! Sjølv ein strålande, vakker haustdag kan ikkje ta bort uhyggen sånn med det same. Den einaste trøysta er sitatet på siste sida i boka (bøkene):

Under den kalde sand drømte jeg om om døden / men våknet ved daggry og så / den vakre, den klare morgenstjerne.

Vi er i New York/ Brooklyn i 1947 - og i Polen /Krakow og Auschwitz og Birkenau i åra under den 2. verdskrigen. Hovudpersonane er desse tre: Nathan, amerikansk jøde, Sofie - polsk katolikk som kjem til New York etter krigen, og sørstatsmannen og forfattaren Stingo. Forteljarstemmene varierer, både i innhald og intensitet, også forfattaren,W. Styron, er "synlig"...

Historia snirklar seg fram ved desse tre, sakte, sakte og meir og meir intenst grip det tragiske inn, og gjennom mange digresjonar, både trivielle og vonde situasjonar, ved mange frampeik om umenneskelige påkjenningar vert det grufulle avslørt meir og meir....

Boka er full av kontrastar: Rikelige mengder av erotikk, umetta begjær og sensualitet - i motsetning til det rå, brutale og umenneskelege,....... kjærleik, venskap og omtanke som ikkje er i stand til å bekjempe / overvinne vald, sjalusi og fornedring,løgn og fornekting......Og nazismen i all si gru!

Terningkast vert uaktuelt .....