Frå Evita til Cristina

om anarkismen, peronismen og kampen mot nyliberalismen

av Johannes Nymark (forfatter).

Fagbokforlaget 2008 Innbundet

Gjennomsnittlig terningkast: 4.00 (1 terningkast.)

9 bokelskere følger dette verket.

Kjøp boken hos

Omtale fra forlaget

Det er ei gåte korleis Argentina i det 20. hundreåret gjekk frå å vera eitt av dei rikaste landa i verda til å bli nærast underutvikla. Frå Evita til Cristina er ei bok som freistar å gi svar på korleis det kunne skje. Boka gir deg samstundes innsiktsfulle analysar og historiske tilbakeblikk for å forstå kva som skjer i eitt av dei viktigaste landa i Latin-Amerika. Argentina har vore som eit laboratorium der ein har prøvd ut ulike ideologiar. I denne boka tek Johannes Nymark særleg opp tre eksperiment: anarkismen, som hadde som mål å skapa eit idealsamfunn; peronismen, som skulle vera eit alternativ til både kapitalisme og kommunisme; og nyliberalismen, som enda i finanskrise og sosialt opprør i 2001. Desse tre eksperimenta blir analyserte med ei mengd fakta, nye opplysningar og innfallsvinklar, som ikkje er så godt kjende i vår del av verda. Dessutan tek Nymark opp mytologiseringa av tangoen med Gardel, politikken med Evita og fotballen med Maradona. Johannes Nymark (fødd 1949) har i heile sitt vaksne liv studert historia og følgt utviklinga i Latin-Amerika. Det har han gjort både i forsking og undervisning, først ved Universitetet i Oslo og sidan ved Norges Handelshøyskole, og som solidaritetsarbeidar, mellom anna i Latin-Amerika-gruppene i Noreg. Nymark har skrive fleire artiklar om Latin-Amerika i dagspresse og i tidsskrift, og han har gitt ut læreboka Historia de España y de Hispanoamérica på Fagbokforlaget (1994). «Nymarks bok er spesielt verdifull fordi den både trekker historiske linjer, slår ned på viktige samfunnsforhold og setter det hele inn i ideologiske rammer.» - Henry Notaker, forfattar og tidlegare utanriksreporter i NRK «Johannes Nymark skildrar desse drastiske ideologiske eksperimenta med stor kunnskap og på ein måte som gir dei allmenn interesse.» - Kjartan Fløgstad, forfattar

Bokdetaljer

Forlag Fagbokforlaget

Utgivelsesår 2008

Format Innbundet

ISBN13 9788245007138

EAN 9788245007138

Omtalt tid 1900-tallet

Språk Nynorsk

Sider 268

Utgave 1

Finn boka på biblioteket

Du kan velge et fast favorittbibliotek under innstillinger.

Finner du ikke ditt favorittbibliotek på lista? Send oss e-post til admin@bokelskere.no med navn på biblioteket og fylket det ligger i. Kanskje vi kan legge det til!