Kjende litt til denne historien frå ein feature sak på Nrk så eg var ikkje heilt ny for kva det gjekk i. Fascinerande historie om Noregs mest kjende kvinnelege spion under den kalde krigen. Gunvor Galtung Haavik forblir likevel eit mysterium sjølv etter å ha lest denne boka. Var ho så uskuldig som ho bedyra, eller var ho kalkulert og bereknande då ho henvende seg til det KGB infiltrerte russiske personalet på den norske ambassaden i Moskva der ho var ansatt? Mange spørsmål utan svar då Haavik døydde av hjartesvikt på cella før rettsaka hennar kom opp. I 30 år jobba Haavik som agent for russarane ved å lekka dokument til KGB. Men denne skjebna starta med ei kjærleikshistorie der ho som sjukepleiar under krigen fekk eit forhold til ein russarfange som ho ønskte å gjenoppta kontakten med når ho blei ansatt ved norske ambassaden i Moskva. Slik hamna ho i KGBs klør.

Det er pussig nok komme ut endå ei bok dette året om Gunvor Galtung Haavik, "En usannsynlig spion". Kjem nok til å lesa den også då det visstnok kjem fram nye og ukjende opplysningar i saka.

Anbefales som lesning til deg som er interressert i spionasje, den kalde krigen og/eller vår store nabo i aust.