Bokelskere.nobeta

Litt lenge sidan no, men Cathrine Sandnes gav ut ei bok med analyser og skildringar av hennar opplevingar under fotball-VM i 2002. Hugsar ikkje så godt detaljane her, men eg hugsar eg tykte Sandnes skreiv godt om både kampane, samfunn- og kulturopplevingar elles... Boka heiter Fotball-VM 2002: reisen østover.

Det er gøy, men det kan vera litt usannsynleg òg... Krimromanen Operasjon Siskin av Rune Timberlid har noko av handlinga lagt til indre Sogn der eg bur, og rett nok har vi litt bygdakriminalitet her òg, men mord og mistenkjelege motorsykkelgjengar er nok meir fantasi (heldigvis) enn verkelegheit. Derimot skildringar frå krigen i den same boka, med spennande, dramatisk heimefront-aktivisme trur eg meir på, sidan vi veit at den typen aktivitet faktisk skjedde her i Sogn òg. Så om ei slik bok vert vellykka, kjem no an på i forhold til f.eks. kva boka handlar om, kva sjanger det er og kor godt den er skrive. Og Operasjon Siskin er ikkje så verst skrive.

Ei magisk bok er Kafka på stranden av Haruki Murakami, om 15 årige Kafka Tamura som rømer heimafrå på jakt etter mor og søster, og får skjul på eit lite bibliotek der han blir kjend med nokre spesielle personar. Noko dramatisk har skjedd som gjer at Kafka òg rømer frå politiet... Samstundes føl vi den eldre Nakata som òg flyktar frå politiet og som har fått evna til å snakke med kattar etter ei uforklarleg ulukke som barn. Etterkvart anar vi ein samanheng mellom desse to personane...

Eg kunne tenkje meg ei lidenskapeleg historie!

"Alt snakket om Red Bull gjorde meg usigeleg tørst."