Bokelskere.no

til orientering

vi kjem til å ta klokka di
og pengane dine
vi kjem til å ta gifteringen din
og smykket du har rundt halsen
med mindre du ikkje kjem opp med
ei aldeles tåredryppande historie
så vil vi konfiskere
øyredobbane dine og mobilen din
og datamaskina di

det er i aller beste meining
vi vil konfiskere sekken på ryggen din
og kofferten i handa di og hatten din på snei
og gåstolen din og kona di
så skal vi konfiskere gullet i plombane dine
og den frakken din som ser svindyr ut
vi kjem til å konfiskere
fiolinen din og saksofonen din
du må også bidra
sjølv om du kjem frå ingenting og har ingenting

og så kjem vi til å konfiskere
dagen din og natta di
fortida di og framtida di
minnene dine vil bli konfiskert
fotoalbum og kosebamsar vil bli konfiskert
håpet ditt og gleda di vil bli konfiskert
du vil få alt igjen om du drar herfrå friviljug
men vi må dessverre konfiskere
språket ditt og songane dine
og himmelen over deg
og havet under deg

blått skal konfiskerast
og raudt skal konfiskerast
og grønt og gult skal konfiskerast
(svart og kvitt kan du framleis ha)
så kjem vi til å konfiskere guden din
han er farlig for oss
det veit du vel

og gps-en din skal konfiskerast
og stjernene du seglar etter
båten din, vegen din, bøneropa dine
og du har kanskje tenkt:
«eg skal gå til eit trygt land,
eg skal gå over grensa til fred»
den tanken er no offisielt konfiskert

til slutt konfiskerer vi deg
vi tar huda di og håret ditt
og munnen din og kjønnsorgana dine
vi tar den eine lunga di
og begge nyrene dine
vi tar auga dine og alt du ser
og alt du føler med hjartet ditt

hjartet ditt er forresten konfiskert
her og no
vi tar beina dine
og dit du har tenkt å gå
og når du står der naken i tjue minus
vonar vi at du forstår at vi gjør dette
til ditt eige beste og fordi vi vil deg vel

velkomen hit
spørsmål?
opp med ei hand
om du lurer på noko!
rekk opp ei hand
så kan vi få konfiskert den òg

• Frode Grytten, opplest i NRK P2 Salongen

så kjem vi til å konfiskere guden din
han er farlig for oss
det veit du vel

Godt vi har forfattere som engasjerer seg og roper høyt av og til. Diktet hans om "dei tusenar som seglar igjen" er også en vekker.

tusenar seglar igjen

eg er den vanvettige spådomen din

eg er han som drar ørkenbåten med seg over havet

eg er han som seglar gjennom stormen

av røyk og rust og gribbar og journalistar

eg er den rasande vandringsmannen

eg er han som står litt ute til venstre i argentina-drakt

eg er han som stirer opp på helikopteret

der fotografen sit med sitt auge

eg er han som strekker ut hendene

som om eg var kristus

eg er ho som sit midt i båten

på styrbord side med ein gut på fanget

eg er ho du diskuterer på tv og i lunsjpausen

og i parlamentet og i kommentarfeltet

eg er ho du sleppte bomber i hovudet på i 2011

og som du no vegrar deg for å hjelpe

eg er ho du aldri vil innvilge eit morgongry

eg er ho som aldri får kvile

eg er han guten som held i ripa

heilt øvst på bildet

eg er han som har stranda alt før han strandar

eg er han som du vurderer om du skal plukke opp

fordi du er redd eg skal rasere kommuneøkonomien

eg er raudt blekk, eg er ravnens hyl

eg er den menneskelige flamme

eg er han som hiv pusten

mellom fem skotsalver

eg er ho som er nummer 3279 i statistikken din

eg er ho som river dagane ut av livmora

eg er jenta som må tåe vekta av nettene

og daganes endelause venting

eg er kvinna som blir kutta opp av

grensemaskinpistolen din

eg er guten som er på veg mot ditt

femstjerners hotell og ditt badebasseng

eg er han som ikkje kan svømme

eg er mannen som speidar etter horisontens såd

eg er han som hører gekkoen og geita

og kaias stønning

eg er han som flengar verda di open

eg er mannen på marsj

vi er dei tusenar som seglar igjen

vi er dei tusenar av skuggar som kjem

susande inn i mjølkevegen din

vi er dei som har reist frå denne nasjonen

full av skrot og blod og patronhylser

vi er atten, vi er sekstiåtte, vi er fire

vi er trettito, vi er tjuesju, vi er tolv

vi har namn, vi heiter noko alle saman

vi heiter frank og cilla og amin og hajj og mustafa

vi er tuareger vi er tutsier vi er berberar

vi er dei tusenar som seglar igjen

vi er dei som har brukt alle sparepengane for å

krysse fornufta eller hamne i ein likpose made in china

vi er dei som blir knust mot morgongryet

vi er dei som hylar om vi i horisonten

oppdagar eit øyre som orkar å høre

vi er dei som er gått tom for bensin

vi er dei som bare ber om å få leve

vi er dei tusenar som seglar igjen

Fint. Det setter denne viktige saken i sitt rette perspektiv.

Dette diktet er det mange av oss som har delt på facebook!

Leste den i Bergens Tidende i går:

http://www.bt.no/meninger/debatt/Gryttens-oppgjer-med-smykkelova-3530755.html

Ved å sette det så mye på spissen, så skulle kan man jo tro at Grytten overdriver inntil det vanvittige og det utrolige.

Men virkeligheten overgår det meste.

Så vær aktsom, pass på, følg med og - ikke minst- si ifra!