Bokelskere.no

Nå har eg førehandbestilt nr 12 i serien på amazon.com. Gledar meg til boka kjem i mars/april. Koseleg med litt lett stoff mellom meir seriøse bøker. Er Alexander McCall-fan.

Har den siste tida slappa av med Hundreåringen som klatret ut gjennom vinduet og forsvant. Det var festleg å lese om hundreåringen, Allan Karlson, si månadlange reise rundt i Sverige, og i tillegg hans livshistorie. Begge deler like morosame. Karlsson blei kjend med dei store statsleiarane på 1900-talet og var med på å påverka verdsutviklinga på utrulege og fantastiske vis. Eg lika aller best kapitla som skildra flukta til hundreåringen og venene hans frå politi og den kriminelle gjengen Never Again. Anbefalar denne boka til dei som ikkje har altfor sart form for humor. Hugs lommetørkle til lattertårene!

Forfattaren Jonas Jonasson vart intervjua i Bokprogrammet nyleg. Dette er visst debutboka hans. Ein utruleg fantasifull forfattar! Minner litt om Arto Paasilinna, berre endå meir morosam. Er spent på kva nye bøker av han har å by på.

Som vanleg fin bokomtale, Rose-Marie! Eg er nettopp ferdig med å lytte til lydboka, godt lesen av Hedda Munthe. Har blanda kjensler for denne boka. Lillian er sterk og verkar noko kald og kjenslelauslaus, men mareritta hennar om fortida og hennar sterke ønske om å finne dottera for ein kvar pris kan tyde på noko anna. Personane i boka blir stort sett skildra etter handlingane sine, kva dei gjer. Tankar og refleksjonar får vi ikkje så mykje av.Ein kjem ikkje heilt under huda på dei. Reisa ho gjer tvers over Nord Amerika og vandringa gjennom øydemarka i Alaska verkar ikkje heilt realistisk. Aleine, utanlandsk kvinne med ytterst lite utstyr og pengar, ein tur som ville vere svært krevjande for menn. Men det er ei spennande historie. Elles tykkjer eg boka er godt skriven. Ein får vite korleis det går seinare med personar ho møter på vegen. Slutten å hennar eiga historie er uventa.

Interessant å lese anmeldelse av Solar frå ein som har greie på fysikk. Eg har lurt på om det tekniske i boka held mål, sjølv om eg rekna med at McEwan set seg grundig inn i sakene han skriv om. Eg er einig i din karakteristikk av hovudpersonen som er usympatisk, amoralsk og ytterst egoistisk, med apetitt på kvinner, vin og mat. Like håplaus karakter i heile boka, sjølv om han får noko meir sjølvinnsikt på slutten. (Utan han forbetrar seg for det). - Men eg er ikkje einig i terningkastet ditt. Eg tykkjer boka har godt språk, hovudpersonen er godt skildra som den ufordragelege fyren han er. Ein del humor er finst der og. Eigentleg ein bra satire.

Bokens folk er ein god og interessant roman. Handlinga følgjer ei eksisterande jødisk bønebok frå mellomalderen fram til nåtida. Vi får spennande, dramatiske glimt frå ulike historiske epoker. Elles fins det ein tråd om denne boka her inne.

For nokre år sidan var eg i bokbyen Fjærland. Fantastisk plass! Då fråtsa eg i bøker. Kjøpte og kjøpte - utan hemningar. Framleis står nokre av dei uleste i hyllene. - For det kjem jo stadig nye bøker i hus.....

Eg ville tatt med Ibsen sine samla i to bind, Kilden av Gabriel Scott, Bibelen og ein diktantologi (ikkje bestemt ennå).

Kjøpte to bøker for nokre dagar sidan. Hundreåringen som klatret ut av vinduet og forsvant av Jonas Jonasson og Beretninger om beskyttelse av Erik Fosnes Hansen.

Eg vil anbefale Sigrid-trilogien. Første bok Sølvhammeren, så Jærtegn og sist Helgenkongen. Handlinga startar like før kristninga av Norge. Gode bøker!

Maj Samzelius har skrive ein bokserie som heiter Helter og monstre på himmelhvelvingen. Fire bøker. Her fortel ho om kiorleis stjernebileta fekk namn i følge gresk mytologi. Spennande, godt skrivne historier.

Eg lytta til boka medan eg heldt på med eit strikkeprosjekt. Grei nok å lytte til då, etter ein periode med "tyngre" lesestoff. Kosa meg med deler av boka. Hovedpersonane er ganske bra beskrivne, medan dei andre personane er meir stereotype, dei utviklar seg ikkje. Skildringa av forholdet mellom aleinemora Georgia og dottera er god. Det var ein uventa slutt på boka. Tragisk, men her tykkjer eg skildringa var noko overfladisk. Ei "midt på treet"-bok.

Det er komne to bøker til i serien. Eg veit ikkje dei er omsette til norsk.

Fleire romanar om same tema blir beteikna som romansyklus. Vi har romansyklusar av Vera Henriksen, Amalie Skram, Sigrid Undset, Knausgård osv...

Sissel Lange Nilsen har skrive fleire bøker frå middelalderen. Trilogien Under fiskenes tegn handlar om dei sydfranske katarane på 11-hundretalet. Ho har og skrive fire bøker om Medici-slekta i Italia frå omlag same tidsrom. Elles har Umberto Eco skrive nokre bøker frå middelalderen. - Eg reknar med du har lese Arn-trilogien av Jan Guillou...?

Eg kjende ikkje til denne boka. Det du har skrive om henne freistar til å skaffe meg henne. Ho høyrest å vere svært interessant. Andre "skal lese"-bøker må nok vente litt då. Eg las Kairotrilogien for nokre år sidan. Dei bøkene "sit i" ennå. Veldig gode!

På nettet er det Haugen bok og amazon.com.Elles fins det ein veldig god bokhandel på Evje, Setesdalen Libris. Den er driven av tre leseinteresserte damer. Deira begeistring for bøker smittar, og når eg har eit ærend innom der, kjem eg som regel ut med ei eller fleire bøker.

Kate Morton har kome med ny bok. The Distant Hours. Eg trur ikkje ho har blitt utgitt på norsk ennå. Har lasta henne ned frå I-Tunes.

Ser ut til å vere ei morosam bok. Har sett henne på "skal lese-lista".

Ny bok til hausten av Gert Nygaardshaug? Då gledar eg meg veldig! Er stor Nygaard-fan!

Det fins mange vakre dikt om naturen og dei skiftande årstidene. Her er eit nydeleg vinterdikt av ein av mine yndlingsdiktarar, Hans Børli:

Nysnø

Ennå finnes der

tilgivelse i himmelen.

Gårsdagens sulk og søppeldynger

blir dekket til med

et finmasket slør av hvitt.

Jeg sitter og ser på

fnuggenes uendelige mjuke fall

skrått over brystet til en dompap

som lyser med sitt lille liv

i bjørka utenfor mitt vindu.

Det kjennes varmt innom meg

at alt jeg holder av, alt

som dufter av ville vinger,

er innerlig nær meg

hver gudskapte dag - her

mellom Jordens lågmælte undere.

Rart hvor lite et hjerte kan leve på

når alle kunstige behov

ligger igjen på en skrotplass

ved Melkeveien.

Jeg går barhodet ut.

Står i det hvite suset

og lokker snøhvite ord

heim fra skogen.