Bokelskere.no

Eg har kjøpt denne svenske pocketutgåva frå Bonnier, som kosta 43 kr på Adlibris: https://bokelskere.no/eirikub/boksamling/2642841/ - det får ein kalle ein svært akseptabel pris!

I tillegg vil eg bruke den svenske lydboka på Storytel.no (dei har forresten prøveperiodar på 14+14 dagar).

Kanskje ville det vere ein god idé å opprette ein eigen diskusjonskategori som ein kallar «Lesesirkler» der ein flyttar over alle felleslesingar og legg framtidige lesesirkelprosjekt? Det ville ha gjort det litt lettare å få oversikt over kva som er lese og diskutert før, og kva som er i gang her og no.

Hei! Eg blir også gjerne med på denne felleslesinga og har bestilt utgåva frå Oxford World’s Classics. Ifølgje Adlibris bestilte eg boka i tide til å få henne seinast julaftan, men eg har mine tvil ...

Eg vil iallfall prøve å få lese mest mogleg no i juleferien, for etter jul blir det utveksling til Lancaster University i England og meir enn nok av anna lesestoff i faga «Shakespeare» og «American Literature from 1900». Ser fram til det! :-)

Denne boka er godt eigna for dei som treng ei innføring i ml-rørsla i Noreg. Det var også mitt utgangspunkt, for eg hadde byrja på Den store ml-boka, men følte då at eg byrja litt i feil ende. Sjøli evnar derimot å omtale «prosjektet» frå start til slutt, og med den nødvendige historiske konteksten. Han skriv også godt og med fin driv framover.

Boka har også utførleg fotnoteapparat og litteraturliste, og der fann eg fleire titlar det kunne vere spennande å lese. Kjeldene er ei utfordring når ein forskar på denne gjengen, men Sjøli opplyser då også lesaren om det når han føler at han er på utrygg grunn. Eg fekk lyst til både å lese meir om ml-rørsla (også gjerne frå dei som var på innsida) og om til dømes Stalin, Mao, Sovjetunionen og Kina.