Bokelskere.nobeta

Eg meiner at det går an å samanlikne bok og film. Det er riktignok ei samanlikning på eit anna grunnlag enn film og film, eller bok og bok. Men i samanlikninga bok og film er det adapsjonen som står i fokus, korleis regissøren og filmteamet har tolka boka og korleis denne tolkinga samsvarer eller ikkje samsvarer med mi eiga oppleving av boka. Når eg seier at eg liker eller ikkje liker ei filmatisering, snakkar eg i stor grad om i kva grad eg opplever at filmen fangar opp dei elementa i boka som eg syntest var viktige då eg las ho.

Ja, det er veksling mellom alle dei "tre store" sjangrane. Det er noko av det som gjer boka så spennande, i mine auge.

Teaterstykket gjekk på Torshovteateret under samtidsfestivalen i august i fjor. Eg fekk det dessverre ikkje med meg, men om det kjem ein ny sjanse har eg veldig lyst til å sjå det.

Denne likte eg veldig godt. Den collage-liknande oppbygginga er på den eine sida krevande, men på den andre sida nyskapande og spennande. Boka hamnar liksom i grenselandet mellom lyrikk-, dramatikk- og epikksjangaren - noko som i seg sjølv er god grunn til å lese ho.

Eg har nettopp sett "Låt den rätta komma in", ein film som eg kanskje likte betre enn boka. Eg likte boka godt, men dei sidene eg opplevde som sterke i boka, blei framheva i filmen, medan dei svake sidene blei tona ned.